喺香港生活真係百物騰貴，我哋深知大家每日為咗得到更好嘅生活，「慳得一蚊得一蚊」而各出奇謀有幾咁辛苦....
《即Buy》手機格價程式會企喺全港消費者嘅同一陣線！我哋會用盡全力，幫您每日搜刮市面上可以搵到最多嘅商戶貨品選擇，確保您想買嘅超市日常用品售價都係真正嘅全。港。至。抵。價!!!(1)
● 喺《即Buy》入面，您一定唔會搵到所謂嘅「原價」、「特價」、「超筍價」.... ●
我哋強大嘅貨品資料搜集及整理系統，每日早上都會自動四處搜羅各大實體同網上超市及商鋪嘅貨品資料同售價，經過分析同整合後，可以幫您計算到每件貨品嘅至抵價格同喺每個商戶出售嘅平均售價，務求令您每朝一出門口就可以買到心水平嘢，咁您就可以同坊間呢啲取巧嘅宣傳手法講聲Bye Bye啦!!
而且，您仲可以喺【貨品資料頁】內將經常要查閱嘅特定貨品進行「收藏」，到有需要睇番時，只需要按入左邊欄內嘅【我的收藏貨品】項目，您所有收藏咗嘅貨品資料就會一併出現一目了然，咁以後，就唔需要再花時間左摷右摷啦~
除咗呢啲咁基本嘅功能外，我地 - 仲會為您諗多一步 -
● 全港首創 -【最抵包裝推介】提示功能 ●
「想買嗰樣嘢有咁多包裝，點先知邊個包裝係最平!??」
如果您買開嗰樣嘢，除番開每個單位之後原來仲有更平嘅包裝，原有貨品嘅下面就會出現【最抵包裝推介】嘅提示，直接撳入去之後就可以買到更平嘅貨品嘞！而相關貨品嘅商戶售價欄目，仲會顯示除番開後每個單元嘅平均售價；如果相同貨品出售組合嘅價錢比尋日賣平咗/貴咗，仲會有特別顯示提醒您添！！
● 隨您喜好 -【貨品顯示選項】功能 ●
「我剩係去開實體鋪頭買嘢咋喎」「屋企唔係有太多位咋，每樣嘢最多只可以買4件」....
完全冇問題！《即Buy》手機格價程式右上角嘅【貨品顯示選項】功能，可以隨時根據番您嘅習慣喜好，透過設定「同款貨品購買上限」、「貨品來源類型」同「排列順序」，幫您篩選同顯示番您最啱使嘅貨品資訊同相關嘅最抵貨品價錢，務求您睇到嘅都係您最啱使嘅資料。而且，您仲可以喺「設定」功能度預設咗呢啲選項，咁下次再用嘅時候就可以直接套用番啦～
● 每日都可能有驚喜 -【最新抵價】 ●
如果我地發現，今日有貨品嘅平均售價仲平過尋日，呢個【最新抵價】欄目就會隨時喺首頁同左邊欄度出現！見到嘅話，仲唔嗱嗱聲入去尋吓寶！？？(2)
到目前為止，我哋已經涵蓋咗以下網上或/及實體商戶嘅貨品選擇 -
● 百佳超級市場
● Market Place(3) / 惠康超級市場(4)
● AEON(前稱「Aeon Style」)
● APITA UNY
● citysuper
● HKTVmall(5)
● 大昌食品專門店
● 屈臣氏
● 崇光(香港)百貨
● 永安百貨
● Smart零食店
● 亮點網購(前名「亮點網上百貨」)
● 香港太古可口可樂e-Shop
● 雀巢香港eShop
● 屈臣氏蒸餾水網上商店
● The Club by HKT
● HOME+
● 香港網上超市
● 正記啤酒汽水批發中心
● 海達直銷
● 兆豐行
● 捷達食品
● DBShop
● Moony Japan
● Viso Mall
● ….
不論涵蓋貨品嘅種類、商鋪嘅選擇以至帶俾您嘅服務將會與日俱增。
歡迎您透過我哋嘅Facebook或者Instagram專頁，俾多啲意見我哋等我哋更知道您嘅諗法，令我地帶俾您更多更貼身、解決到您痛點嘅服務
咁易就搵到心水靚貨，仲唔《即Buy》!??
-------------------------------------------------
(1) 《即Buy》所顯示的貨品售價等資料，或會因相關商戶隨時更改而變得過時或有所出入，如欲得知即時的貨品售價等資料，可直接向有關商戶查詢。
(2) 【最新抵價】欄目或會因【貨品顯示選項】的選項變動，改變了同樣貨品於各商戶的價格顯示和互相比較所得出的結果而引致消失或出現。
(3) 《即Buy》所提供的「Market Place」商戶貨品及售價等資訊，資料源自「消費者委員會《網上價格一覽通》」網站。有關網站或許會因取得相關資料時間上的差異，而和「Market Place」商戶實際銷售的有所出入或不合時。
(4) 「惠康超級市場」的網上商店已於2021年6月23日終止服務，現時《即Buy》所提供有關商戶的貨品及售價等資訊乃參照自「Market Place」。「惠康超級市場」及「Market Place」商戶於同時間實際銷售同一貨品的售價或許存在差異。
(5) 因「HKTVMall」商戶於其網上商店銷售的貨品，絕大部份皆不會在其實體商店中銷售，故此，《即Buy》將「HKTVMall」商戶視作「純網上商店」處理